Бясплатны онлайн-курс

Камунікацыя

Майстэрства дзелавога ўзаемадзеяння

Старт 2 патоку: 06.03.2023

Рэгістрацыя: 27.02-03.03.2023

Прайсці курс

Каб вырашаць складаныя задачы, якія стаяць перад перад грамадзянамі Беларусі, перад усёй грамадзянскай супольнасцю і асобнымі суполкамі, арганізацыямі, палітыкамі, нам неабходна разумець адзін аднаго. А разуменне магчыма толькі праз камунікацыю. Жадаеце разбірацца ў тым, як супольна прымаць складаныя рашэнні і дзейнічаць, выконваючы канкрэтныя задачы? Прыходзьце на курс!

Курс распрацаваны для вас, калі вы:

  • прадстаўнік арганізацыі, супольнасці, актыўны грамадзянін_ка, палітык
  • прымаеце ўдзел у прыняцці складаных рашэнняў і ў іх рэалізацыі, бераце за іх адказнасць
  • упэўнена прэтэндуеце на тое, што Беларусь — гэта ваша краіна, і вы гатовы прымаць удзел у яе лёсе
  • разумееце, што дзейнічаць трэба не толькі супольна з аднадумцамі, але і з апанентамі

На курсе вы зможаце даведацца:

  • што такое камунікацыя як дзеянне і чым яна адрозніваецца ад стасункаў
  • як размаўляць унутры арганізацыі, грамадзянскай супольнасці, з палітыкамі, каб вырашыць задачы і дзейнічаць калектыўна
  • чаму ў камунікацыі важна “заняць пазіцыю” і “убачыць” іншых суб’ектаў
  • як пераадольваць камунікатыўныя бар’еры
  • як супрацьстаяць маніпуляцыям
  • як кіраваць камунікацыямі з улікам іх фармату

Праграма курса:

ТЭМА 1.

Адрозненне камунікацыі ад стасункаў. Паняцце камунікацыі. Базавая схема камунікацыі. Сэнсы і інфармацыя ў камунікацыі.

Вы даведаецеся пра тое:

  • Што значыць камунікацыя як дзеянне
  • З чаго складаецца мінімальны камунікацыйны акт
  • Чым сэнс адрозніваецца ад інфармацыі
  • Як перайсці ад вертыкальных камунікацый да гарызантальных
ТЭМА 2.

Пазіцыйнае самавызначэнне ў камунікацыі. Паняцце пазіцыі як поле дзейнасці. Фарміраванне выказванняў “ад пазіцыі”

Вы даведаецеся пра тое:

  • Чаму, уваходзячы ў камунікацыю, важна заняць пазіцыю
  • Як самавызначэнне ў камунікацыі ўплывае на яе эфектыўнасць
ТЭМА 3.

Камунікацыя як дзеянне. Планаванне камунікацыі. Рэзультатыўнасць камунікацыі. Уключэнне вынікаў камунікацый пры прыняцці кіраўніцкіх рашэнняў

Вы даведаецеся пра тое:

  • Як запланаваць камунікацыю
  • Як паўплываць на яе вынік
ТЭМА 4.

Тэхнікі кіравання камунікацыяй: фасілітацыя, мадэрацыя, гульнятэхніка, коўчынг

Вы пазнаёміцеся з:

  • Некалькімі тэхнікамі кіравання камунікацыяй
  • Найбольш распаўсюджанымі памылкамі мадэратараў і шляхамі іх пазбегнуць
ТЭМА 5.

Тыпы міжасабовых і працоўных камунікацый. Фармат камунікацыі

Вы пазнаёміцеся з:

  • Тыпамі міжасабовай камунікацый: групавой, арганізацыйнай, грамадскай (масавай)
  • Фарматамі: сход, перамовы, круглы стол, дыскусія, дэбаты, прэс-канферэнцыя, прэзентацыя, канферэнцыя, кангрэс, форум
ТЭМА 6.

Рамачна-ядравыя тэхнікі вядзення камунікацыі і фарміравання выказванняў. Схематэхніка. Экранныя тэхналогіі

Вы даведаецеся пра тое:

  • Навошта выкарыстоўваюцца схемы ў тэорыі камунікацыі
  • Што такое экран грамадскай свядомасці і як грамадзянскай супольнасці выкарыстаць яго для ўзмацнення ўплыву на сітуацыю
ТЭМА 7.

Бар’еры ў камунікацыях і шляхі іх пераадолення

Вы даведаецеся пра тое, як пераадольваць камунікатыўныя бар’еры:

  • адсутнасць выразнай дзелавой пазіцыі ў суб’ектаў камунікацыі
  • адсутнасць аргументацыі пры падачы інфармацыі і сэнсаў
  • няўзгодненасць у агульнай тэме камунікацыі, «неўтрыманне межаў»
  • неадпаведнасць фармату (рэгламенту) камунікацыі і сэнсавага зместу, мэтаў
  • псіхалагічны (асаблівасці ўспрымання інфармацыі і асобы)
ТЭМА 8.

Маніпулятыўныя тэхнікі ў камунікацыях: шляхі рэфлексіўнай абароны і ўтрымання нарматыўнага фармату

Вы даведаецеся пра тое, якімі могуць быць маніпуляцыі і як ім супрацьстаяць

Кожны занятак — гэта:

  • відэалекцыя і кароткі канспект ад выкладчыка курса
  • заданне для самастойнага выканання
  • вэбінар — групавы занятак у тэлеграм-чаце з выкладчыкам

Важна! Для камунікатыўнай практыкі на вэбінарах хаця б часткова група павінна ўдзельнічаць голасам

Аўтар курса
Святлана Мацкевіч,

метадолаг, незалежны эксперт у сферы адукацыі

Адукацыя

Беларускі політэхнічны інстытут, Інжынер-педагог
Аспірантура Нацыянальнага Інстытута Адукацыі (Мінск, Беларусь), Кандыдат педагагічных навук
Беларускі дзяржаўны ўніверсітэт, Дактарант
Стажыроўка па праграме MASHAV 2003 (г. Ерусалім, Ізраіль)
Падвышэнне кваліфікацыі і перападрыхтоўка ў Вялікабрытаніі

Досвед

Больш за 30 гадоў Святлана распрацоўвала і брала ўдзел у праектах па рэформе адукацыі ў Рэспубліцы Беларусь, праводзіла навуковыя даследаванні ў сферы адукацыі, больш за 20 год распрацоўвала і выкладала курсы. Святлана з’яўляецца прафесарам Akademii Ignatianum (г. Кракаў, Польшча) у рамках праграмы NAWA

Сфера інтарэсаў Святланы: СМД-метадалогія, стратэгічны менеджмент і бізнес-аналітыка, кіраванне чалавечымі рэсурсамі, чыннасная педагогіка

Пройти курс

Адказы на частыя пытаннi:

ЦІ БУДЗЕ ЗАПIС ВЭБІНАРА

Не, мы не робім запісаў вэбінараў гэтага курсу. Вэбінар — гэта адпрацоўка практыкі, іх каштоўнасць у тым, каб прысутнічаць і працаваць у групе

ЦІ МОЖНА АТРЫМАЦЬ СЕРТЫФІКАТ ПАСЛЯ СКАНЧЭННЯ КУРСА

Так, удзельнікі, якія пройдуць усе тэмы і выканаюць ДЗ

ЯК ДОЎГА БУДЗЕ АДКРЫТ ДОСТУП ДА МАТЭРЫЯЛАЎ НА ПЛАТФОРМЕ ПАСЛЯ ЗАКАНЧЭННЯ КУРСА

Матэрыялы будуць адкрытыя на працягу тыдня пасля апошняга вэбінара