«Галоўнае — проста наважыцца і прыйсці». Як беларусы стварылі і развіваюць у Польшчы адукацыйны хаб «Нацыя Лідараў»
Адукацыйны хаб «Нацыя Лідараў» з’явіўся ў Польшчы ў 2021 годзе. З таго часу ён стаў месцам, дзе беларусы дапамагаюць суайчыннікам адаптавацца, набываць новыя навыкі і знаходзіць падтрымку. Пачаўшы з двух курсаў — псіхалагічнай устойлівасці і прававой самапомачы, — праект хутка ператварыўся ў цэлую адукацыйную экасістэму, якую цяпер падтрымліваюць больш за 40 чалавек.
MOST пагаварыў з Рынай, кіраўніцай Цэнтра суправаджэння выпускнікоў, і Марынай, кіраўніцай Прадзюсарскага цэнтра, пра тое, якія курсы можна прайсці, як наладжана супольнасць і чаму гэты хаб стаў важным для беларусаў.
