Чаму нам так цяжка казаць «не» — і да чаго гэта прыводзіць? Дзелімся парадамі, як абараняць асабістыя межы
Псіхолагіня хаба «Нацыя Лідараў» Вікторыя тлумачыць: мы баімся наступстваў. Асуджэння, крыўды, сапсаваных адносін. А часам проста лянуецца тлумачыць, чаму адмаўляем — прасцей згадзіцца.
Часта гэта — звычка. «Сказаць “так”, нават калі ўсё ўнутры супраціўляецца, — гэта аўтаматычная рэакцыя, якая часта фарміруецца ў дзяцінстве», — кажа спецыялістка.
Калі дзіця не хоча абдымацца з сваякамі — яму кажуць: “Ну што ты, бабулі будзе прыемна”. Не хоча дзяліцца цацкай — чуе: “Фу, скнара!”. У выніку дзіця прывыкае: яго жаданні — не важныя. Галоўнае — быць зручным і не ствараць праблем
